Laugardagur

Ævintýri í Iðnó var sýnt í gær og var mjög góð stemmning . Mjög margir koma til mín til að þakka fyriri alveg frábæra sýningu. Guðrún er alveg að slá í gegn hjá áhorfendum og gagnrýnendum.

Hvet alla til að lát sýninguna ekki fram hjá sér fara .

Nú eru að koma í hús aðstandendur Alexandru Chernyshovu frá Óperu Skagafjarðar en það á að fara að taka upp myndband með henni hér í Iðnó . Við Stína erum hér að bíða eftir þeim og vonumst til að fá að heyra hana syngja áður en við förum heim.

Nú svo eru stólarnir góðu komnir á sinn stað á þriðju hæðinni en svo skemmtilega vildi til að ég fékk símtal fyrir jól frá konu sem hafði unnið hér í Iðnó ásamt móður sinni hér á árum áður . Hafði þeim áskotnast stólarnir þegar húsið var rýmt fyrir endurbyggingu. Nema hvað að nú vildi móðirin að stólunum yrði skilað hingað í Iðnó og lét ekki dótturuna í friði fyrr en hún var búin að vera í sambandi við mig og ég var náttúrulega himinlifandi að fá stólana. Nema hvað að ég áttaði mig ekki á því til að byrja með að gamla konan var dáin og var sem sagt að láta vita að handan að hún vildi að stólarnir færu aftur niður í Iðnó eða til Guðrúnar Ásmunds.