Dagurinn í dag

Þau eru mætt. Anna Kristín Arngrímsdóttir , Arnar Jónsson, María Ellingsen og Bjarni Haukur sem leikstýrir. Fyrsti samlestur í Iðnó . Leikritið Heiður, ástralskt verðlaunaverk sem slegið hefur í gegn á Broadway og í breska þjóðleikhúsinu . Mikið er ég stolt og ánægð að þessir frábæru listamenn séu að vinna hér í Iðnó . Frumsýna á í byrjun janúar 2008.

Svo er komið  að síðasta kvöldi bókmenntahátíðar og í kvöld lesa þau Sasa Stanisic, Guðrún Helgadóttir, Robert Löhr, Arnaldur Indriðason og Yasmin Crowther.

Ég er mjög ánægð með að hafa bókmenntahátíð í Iðnó og hef kynnst mörgu skemmtilegu fólki meðan á henni stendur. Gaman að segja frá því að hingað komu í byrjun viku tveir risastór vöðvabúnt frá Ameríku sem eru lífverðir Ayaan Hirsi Ali og voru að taka Iðnó út . Þeir fóru um allt hús ,niður í kjallara og enduðu upp í risi í setustofunni þar og voru þeir upprifnir yfir fegurð hússins og sjarma og það fyrsta sem annar þeirra segir þegar upp er komið , eru ekki draugar hér. Hugsið ykkur ,hann varð var við andana okkar.

Í kvöld er líka lítill ferðamannhópur í mat og svo ætla ég sjálf að borða með kærastanum og gestum frá Japan lambið góða .