Ævintýri í Iðnó,, Söguveisla með Guðrúnu Ásmundsdóttur

Miðasala er hafin á leiksýningu sem gerð er i tilefni af 110 ára afmæli Iðnó  Guðrún Ásmundsdóttir heldur uppá 50 ára leikafmæli sitt og 110 ára sögu Iðnó með því að segja sögur sem tengjast Iðnó og lífi hennar sem leikkonu þar í 30 ár. Henni til aðstoðar er Ólafur Björn Ólafsson píanisti. Hér er um sannkallaða söguveislu að ræða þar sem boðið verður upp á kaffi og með því. Guðrún naut aðstoðar barnanna sinna Sigrúnar Eddu Björnsdóttur leikstjóra og Ragnars Kjartanssonar myndlistarmanns við að gera þessa uppákomu að veruleika með dyggri aðstoð forráðamanna Iðnó.

Ljósahönnun er í höndum Egils Ingibergssonar.

Miðaverð er Kr.2900.-

Innifalið í miðaverði er kaffi og meðlæti að hætti Kristínar .